(Europe) 25 Maarso 2016. Goolfm.net ayaa kuu soo koobeysa wararkii ugu dambeeyay uguna waa waynaa suuqa kala iibsiga ciyaartoyda.
Naadiga Man United ayaa la warinayaa in dalab lacago badan ku dooneyso weeraryahanka 34-jirka reer Sweden Zlatan Ibrahimovic.
Ibra oo heshiiskiisa PSG dhici doono xagaaga ayaa sidoo kale waxaa xiiseynaya kooxaha reer London ee Chelsea iyo Arsenal laakiin Man United ayaa dooneysa inay lacago badan ku khasirto isla markaana ay u gacan galiso heshiis labo sano ah oo ku kacaya adduun dhan 24-milyan oo bound.
Napoli ee ka ciyaarta Serie A da dalka Talyaaniga ayaa iyana quud kaga jiraa joog dheerahan qaab ciyeedka fiican la soo baxay marka ay da’diisa kor u sii badatay.
Arsenal ayaa ku dhow inay gacanta ku soo dhigto Granit Xhaka ee u safta naadiga Borussia Monchengladbach kaa oo la hadal hayo inuu ku soo jeedo Premier League.
Gunners ayaa la aaminsan yahay inay 23-jirkan u diyaarsaneyso adduun dhan 33-milyan oo bound, sida ay sheegeysana Sky Sports Germany in tababare Arsene Wenger uu la kulmay aabaha wiilkan.
Macallinka soo socda ee Chelsea Antonio Conte ayaa doonaya inuu dib ula midoobo Arturo Vidal, laacibka reer Chile ayaa soo ifbaxday inuu bartilmaameed u yahay Blues oo dooneysa inay sameyso saxiixyo waa wayn.
Vidal ayaa ka soo hoos sheeqeeyay tababare Conte markii uu hayay xilka Marwada Duqda ah ee Juventus.
Man City ayaa kula dagaalameysa Juventus saxiixa kubbad qaabeeyaha reer Spain ee kooxda Real Madrid Isco.
Laakiin Isco waxaa la warinayaa inuu doonayo inuu sii joogo gegida Bernabue isla markaana af cad ugu sheegay kooxdiisa inuu doonayo inuu baaqi ku sii ahaado naadiga.
Juventus ayaa dhanka kale dooneysa xiddiga qadka dhexe ee kooxda AS Roma Radja Nainggolan waa haddii uu kooxda isaga huleelo Paul Pogba oo ay kooxo waa wayn isku dirirayaan.
Tababaraha Liverpool Jurgen Klopp ayaa la sheegayaa inuu sahan u diray xiddiga bartilmaameedka u ahaa Man United ee Lucas Moura, iyadoona la sheegayo inuu waqti dheer la dhacsanaa wiilka reer Brazil ee kooxda PSG isla markaana doonayo inuu ka hor dafo kooxda ay coltamaan.
Ugu dambeyna Barcelona ayaa si wayn u dooneysa Mesut Ozil oo ay rabto inay ku jabiso kooxdiisii hore ee Real Madrid.
Waxaa xitaa la sheegayaa inay diyaar u tahay inay heshiiska ay kula soo wareegeyso qeyb uga dhigto saddexdan laacib midkood Arda Turan, Munir ama Sandro.
WAXAA KUU DIYAARIYAY: Cabdisamed Maxamed Xasan (Black Yare).
Gool FM.