(London) 27 Seb 2017 Kooxda Chelsea ayaa uga dhaw kooxaha kale saxiixa weerar yahanka PSG ee Edinson Cavani.
Mustaqbalka laacibka ayaa galay mugdi kadib markii ay isku dheceen isaga iyo laacibka ugu qaalisan aduunka ee Neymar kaas oo la sheegay inuu codsaday in laga diro kooxda.
Saadaasha ayaa u badan in Chelsea ay tahay kooxda ugu dhaw saxiixa Edinson Cavani suuqa kala iibsiga ee janaayo sida ay baahisay The Sun.
Chelsea ayaa iska fasaxday Diego Costa kaas oo si rasmi ah dib ugu laabtay kooxdiisii hore ee Atletico Madrid.
Waxaana suurogal ah in Cavani uu iska diido u dhaqaaqida Chelsea maadama uu waqti fiican ku jiro Morata oo ku biiray suuqii xaggaaga.
Everton iyo Manchester City ayaa ah kooxaha kale ee la filan karo in Edinson Cavani uu ku biiro bisha janaayo.
Gool FM