(Barcelona) 21 Okt 2017 Xavi Hernandez ayaa kashifay in Neymar uu isaga u sheegay inuu ka tagayo Barcelona ka hor intii uusan bixin.
Kabtankii hore ee Barcelona ayaa sheegay in Neymar ay kuwada kulmeen arooskii Lionel Messi ee dhacay waqtigii fasaxa xggaagan.
Wuxuuna ka warbixiyay sheekadii dhexmartay isaga iyo Neymar intii ay socotay xaflada arooska Messi.
“Neymar wuxuu noo sheegay xafladii arooska Messi inuu doonayo ka tagista Barcelona, waxaan ku iri sabab? wuxuu iigu jawaabay inuusan ku faraxsanayn Barca isla markaana uu doonayo inuu tijaabo kale ka sameeyo yurub” ayuu yiri Xavi.
“Kadibna wuxuu sameeyay wixii uu yiri, wuxuu ahaa go’aankiisa dhamaana waa inaan ixtiraamnaa”.
Xavi Hernandez ayaa intaa ku daray in PSG sanadkaan ay fursad fiican u haysato ku guulaysiga Champions League maadama ay haysato Neymar iyo Mbappe.
Gool FM