(Munich) 04 Dis 2017 Tababaraha Bayern Munich ee Jupp Heynckes ayaa ka hadlay kulanka adag ee habeen dambe ay kooxdiisu marti qaadi doonto PSG.
Kooxda reer France ayaa 3-0 uga soo adkaatay Bayern Munich kulankii hore kaas oo sababay in la cayriyo tababare Carlo Ancelotti.
Jupp Heynckes ayaa sheegay in kooxdiisu aysan filayn inay hogaanka u qabato guruubka laakiin wuxuu ku booriyay ciyaartoyda inay xooga saaraan sidii ay jawaab uga bixin lahaayeen kulankii lugta hore.
“Waa inaan runta ka hadalnaa, ma filayno inaan qabano hogaanka guruubka, waa inaan iska hilmaanaa kulankii hore balse waa inaan jawaab ka bixinaa” ayuu yiri Jupp Heynckes ka hor kulanka.
“Haatan waxaan haysanaa dooqyo badan oo dhanka weerarka ah kadib soo laabashadii Muller iyo Ribery”.
“Waxaan ka hortagaynaa barri koox wayn oo is haysata, arinku ma ahan kaliya mid ku xiran weerarka” ayuu sii raaciyay tababaraha Bayern Munich.
Gool FM