(Paris) 16 Dis 2017 Laacibka qadka dhexe ee PSG ayaa ka hadlay kulanka kooxdiisu ay la ciyaarayso Real Madrid wareega 16-ka.
Marco Verratti ayaa sheegay in kulankaas uu yahay mid si wayn looga daawan doono adduun waynaha kooxdiisana laga doonayo inay sifiican u ciyaarto.
Wuxuu intaa ku daray in kooxdiisu ay doonayso inay ka adkaato kooxda tababare Zidane oo ku guulaysanaysay Champions League labadii xiliciyaareed ee u danbeeyay.
“Waxaan ciyaari doonaa kulanka ugu fiican Champions League, dadka dhan ayaa daawan doona kulankaas” ayuu yiri Marco Verratti.
“Waa inaan sifiican u ciyaarnaa si aan uga adkaano Real Madrid, haddii PSG ay doonayso inay ku guulaysato koobka horyaalada yurub waa inay la ciyaartaa kooxaha ugu fiican koobka”.
Gool FM