(Paris) 11 Abriil 2016 Tababaraha kooxda PSG Laurent Blanc ayaa qabtay shirka jaraa’id ee ka hor kulanka adag ee habeen dambe ay u safri doonaan kooxda Man City.
Laurent Blanc ayaa uga digay ciyaartoydiisa inay fursad siiyaan Man City wuxuuna sheegay in haddii taasi ay dhacdo ay sifiican uga faa’idaysan doonaan ciyaartoyda City fursadooda.
“Man City si awood leh oo fiican ayeey u ciyaareen kulankii hore, haddii aan siino fursado si fiican ayeey uga faa’idaysan doonaan” ayuu yiri tababaraha reer France ee Laurent Blanc.
“Ciyaartoyda PSG waa inay midoobaan, waana inay dharka ku ciriiriyaan ciyaartoyda Man City, waan ognahay in kooxdeenu aysan qaab ciyaareed fiican soo bandhigin kulankii hore”.
“Waxaan u baahanahay inaan haysano kubadda isla markaana aan abuurno fursado halis ah, haddii aan wayno kubadda waa inaan si deg deg ah ku soo ceshanaa”.
“Waa inaan sifiican u ciyaarnaa si aan ugu gudubno Semi Final-ka Champions League”.
Gool FM