(Manchester) 11 Abriil 2016 Daafaca reer France ee kooxda Man City Bacary Sagna ayaa shaaca ka qaaday in kooxdiisu ay awoodo inay ka soo baxdo habeen dambe kooxda PSG.
Kulankii lugta hore ee labadaan kooxood ayaa ku soo idlaaday 2-2 taas oo ah natiijo u wanaagsan kooxda ku ciyaarta garoonka Etihad ee Manchester City.
Bacary Sagna oo ka hadlay kulanka lugta labaad ee ay marti qaadi doonaan Man City ayaa yiri:
“PSG waa koox u badan xirfadleey, waxay haystaan ciyaartoy waa wayn, waana koox qatarteeda leh, waxaas dhan oo jira waa inaan ka fikirnaa kaliya nafteena”.
“Waa inaan samaynaa foojignaan, waan ku kalsoonahay inaan gaari karno Semi Final-ka Champions League, kulankii lugta hore waa wax laga soo gudbay”.
“Waa inaan horteena fiirinaa, waxaan ku ciyaaraynaa garoonkeena iyo taageerayaasheena dhexdooda, waan ku kalsoonahay inaan cadaadis badan saari doono”.
“Waan ogahay in PSG ay halkaan u imaan doonto si ay noo dhibaatayso, laakiin waxaan ku kalsoonahay inaan natiijo fiican ka gaari karno, gaaritaanka Semi Final-ka waa wax cajiib ah”.
Gool FM