(Paris) 22 Dis 2017 Weerar yahanka PSG ee Neymar ayaa ka hadlay kulanka adag ee kooxdiisu ay wajahayso Real Madrid wareega 16-ka ee koobka horyaalada yurub.
Neymar ayaa sheegay in kooxdiisa looga baahanyahay inay guul ka gaarto Real Madrid oo difaacanaysa koobka si ay u samayso taariikh.
PSG ayaa ku hormaraysa lugta hore garoonka Real Madrid 14-ka bisha 2-aad ee sanadka 2018, halka lugta labaad lagu ciyaari doono garoonka kooxda reer France.
Neymar oo ka hadlay kulankaas adag ee kooxdiisu ay wajahayso Real Madrid ayaa yiri:
“Dabcan waa kulan adag, oo aan ka hortagayno koox haysata shax joogto ah muddo sanado ah, waxayna doonayaan inay guul naga gaaraan”.
“Laakiin waan awoodnaa inaan guul ka gaarno si aan u samayno taariikh, waxaan halkaan u joognaa sidii aan uga adkaan lahayn”.
“Waxaan ciyaaraynaa kubadd cag oo qurxoon, wax walba ayaan u huri doonaa si aan u guulaysano”.
Gool FM