(Barcelona) 28 Dis 2017 Barcelona ayaa si wayn loola xiriiriyay laacibkii hore ee Real Madrid kaas oo ku dhiban inuu boos joogto ah ka helo kooxda reer France.
Shalay ayaa la baahiyay in Barcelona ay isbuucyada soo socda wadahadal la furayso PSG si ay ula wareegto Angel Di Maria.
Laakiin Mundo Deportivo ayaa dhankeeda sheegtay, in warar ay ka heshay Barcelona gudaheeda in kooxdu ay beenisay wararka la xiriirinaya laacibka reer Argentina.
Ilawareedyo kooxda gudaheeda ah ayaa u sheegay Mundo in kooxdu aysan markale isku dayi doonin saxiixa Angel Di Maria kadib markii ay ku fashilmeen soo xerogalintiisa suuqii xaggaaga.
Angel Di Maria ayaana sidaas uga baxaya ajandaha Barcelona ee suuqa kala iibsiga bisha janaayo, kooxda ayaana xooga saari doonta dhamaystirka saxiixa Coutinho.
Gool FM