(Manchester) 01 Jan 2018 Manchester United ayaa wadahadal la furtay kooxda PSG ee dalka France si ay u hesho Lucas Moura.
Sida ay baahisay Le 10 Sport, ma jiro ilaa haatan dalab rasmi ah oo Man United ay ka gudbisay laacibka, balse kooxda reer ingiriis ayaa xiriir la samaysay PSG.
Si kastaba, tababare Jose Mourinho ayaa ku qasban inuu tartan adag la galo kooxda horyaalka shiinaha ee Hebei Fortune oo dhankeeda xiisaynaysa 25 jirka reer Brazil.
Wararka ayaa intaa ku daraya in Man United ay doonayso inay ku dalbato Lucas Moura lacag ka yar mida PSG ay ku doonayso laacibkeeda.
Xiddigaan ayaa diirada u saarnaa Man United 2012, balse PSG ayaa uga dul qaaday 38 milyan oo Ginni.
Lucas Moura ayaa u saftay PSG 212 kulan, wuxuuna u dhaliyay 44 gool, isaga oo kula guulaystay horyaalka Faransiiska 4-jeer.
Gool FM