(Paris) 25 Jan 2018. Ciyaartii ay PSG 4-2 uga adkaatay Guingamp taranka French Cup ayaa lagu arkayay iyadoo lambarkii Neymar ee No. 10 loo xiray laacibka reer Argentina ee Javier Pastore.
French Cup waa koob gaar ah oo naadir ah, sidaa darteed ciyaartoyda safka hore ayay qasab tahay inay soo xirtaan No.1 ilaa No.11.
Sidoo kale kooxaha ayaa loo ogol yahay kaliya Liis ka kooban 18-ciyaaryahan taa oo micnaheedu tahay in la ogol yahay ilaa No.18 oo wixii ka dambeeya aan la soo xiran karin waloow safka hore ay qasab tahay No.1 ilaa No.11.
Sharciyadan ayaa dhaliyay in kulankii PSG iyo Guingamp lagu arko ciyaartooy badan oo xiran Lambaro aan lagu aqoon amaba aysan lahayn.
Tusaale ahaan Javier Pastore ayaa xirnaa Lambarka Buuxa ee Neymar No.10, Thomas Meunier ayaa isna xirnaa Lambarka Thiago Silva ee No.2 halka Julian Draxler uu xirnaa Lambarka Thiago Motta ee No.8.
Cactus Sainte-Anne ayaa sanadkan laga reebay koobka kaddib markii ay si dhab ah u qaadan waysay shuruucda ayna soo xirteen Lambaro aan sax ahayn.
Intaa waxaa dheer in PSG loo diiday in wajiga hore ee maaliyadooda ay ku xayaysiiyaan Emirates oo ay qandaraaska kula jirto taa badelkeeda waxay xayaysiineysay mid ka mid ah xayaysiimaha tartanka.
Gool FM.