(Paris) 25 Jan 2018 Milkiilaha PSG ee Nasser Al-Khelaifi ayaa ugu danbayntii gar waaqsaday cabashada uu Neymar ka cabanayo horyaalka Faransiiska.
Neymar ayaa doonaya inuu dib ugu laabto Spain kadib markii uu keeni waayay qaabka horyaalka Faransiiska, sida ay baahisay L’Equipe.
Balse Goal ayaa dhankeeda daaha ka qaaday in Milkiilaha PSG ee Nasser Al-Khelaifi uu ogolaaday in Neymar uu ku biiro Real Madrid dhamaadka xiliciyaareed kaan.
Laakiin Nasser Al-Khelaifi ayaa hal shardi oo xoogan ku xiray kooxda boqortooyada Spain kaas oo ah in PSG ay xiliciyaareed kaan ku guulaysato Champions League.
Al-Khelaifi ayaa diyaar u ah inuu la wareego Ronaldo isla markaana uu siiyo Real laacibkiisa Neymar haddii kooxdiisu ay qaado koobka horyaalada yurub xiliciyaareed kaan.
Labada kooxood ayaa ku balansan wareega 16-ka ee koobka horyaalada yurub bisha soo socota, Real ayaana ku qasban inay sii dayso PSG si ay u hesho Neymar.
Gool FM