(World) 31 Jan 2018. Suuqa kala iibsiga ciyaartoyda ayaa soo istaagay gabo gabadii inkastoo ay kala duwan yihiin Saacdaha Yurub iyo Caalamka ee uu Suuqa xirmayo.
Haddaba waxaan halkan kugu heynaa warbixin kooban oo ku saabsan Suuqa kala Iibsiga.
Goorma ayuu Xirmayaa??
Wuxuu xirmi doonaa maanta oo Arboco ah marka ay saacada UK tilmaameyso 11pm.
Dukumintiyada Diiwaan galinta saxiixyada cusub waa qasab in la buuxiyo ka hor 11pm inkastoo ciyaartoyda lala kala wareegay la shaacin karo wixii saacadaas ka dambeeya.
Saxiixyada lala kala wareegay ayaa weli la xaqiijin karaa oo la shaacin kara ilaa 1am ee Kowda Feebaraayo balse waxaa qasab ah in warqadaha la soo gudbiyo.
Goorma ayuu xirmayaa Suuqa kala iibsiga ee Caalamka?
England, Wales, France, Spain iyo Netherlands ayuu suuqa ka xirmi doonaa caawa 11pm.
Scotland Wuxuu ka xirmi doonaa saqda dhexe, Jarmalka wuxuu xirmaya 5pm, halka Turkiga uu ka xirmi doono 9pm.
Talyaaniga ayuu isna ka xirmi doonaa 10pm. Halka Purtugal uu suuqa ka xirmi doono 2-da bisha Feebaraayo.
Argentina ayuu ka xirmi doonaa 7-da Feebaraayo, Ruushka 22-ka Feebaraayo.
Shiinaha 28-ka Feebaraayo, Brazil ayaa isna u sii dhici doona 2-da April halka horyaalka MLS ee dalka Mareykanka oo furmi doona 7-da bisha soo socota ee Feebaraayo uu xirmi doono 1-da May.
Saxiixyada Gabo Gabada ah ee Premier League:
Pierre-Emerick Aubameyang to Arsenal
Olivier Giroud to Chelsea
Riyadh Mahrez to Manchester City
Michy Batshauyi to Borussia Dortmund
David Luiz to Arsenal/Barcelona
Zlatan Ibrahimovic to LA Galaxy
Kaalinta GoolFM.net:
GoolFM.net waxay diyaar u tahay inay si deg deg ah idin kugu soo gudbiso saxiix kasta oo dhaca, Sawiradiisa iyo waliba Macluumaad dheeri ah insha’alaah.
W/D: Abdisamed Mohamed Hassan (Black Yare)
Gool FM.