(Paris) 05 Feb 2018 Daafaca PSG ee Thiago Silva ayaa ka hadlay Messi iyo Ronaldo midka u daran difaacyada ee ay aad uga cabsadaan.
Thiago Silva ayaa rumaysan in Messi uu leeyahay awood uu ku mari karo daafac walba taas oo uu sheegay in Ronaldo uusan awoodin.
Waraysiga Thiago Silva ayaa imaanaya xili maalmo yar uun ay naga xigto kulanka u dhexeeya PSG iyo Real Madrid ee Champions league.
“Waxaa u dhexeeya farqi yar, kaas oo ah in Messi uu fiicanyahay marka uu wato kubadda, gaar ahaan marka la yahay laacib iyo laacib ama laacib iyo laba laacib, aad ayeey u adagtahay in la istaajiyo” ayuu yiri Thiago Silva oo is barbar dhig ku sameeyay Messi iyo Ronaldo.
“Sidoo kale Ronaldo ma ahan laacib fudud, waa inaad la socotaa oo aad gadaashiisa dhigtaa laacib waardiyeeya, waa laba laacib oo samaynaya waxyaabo aan la rumaysan karin, iyaga iyo sidoo kale Neymar”.
“Inaad difaac ka gasho Messi ayaa aad uga adag inaad difaac ka gasho Ronaldo, laakiin Ronaldo waa uu u qalmaa guulihii uu gaaray xirfadiisa”.
Gool FM