(Paris) 04 Feb 2018 Laacibka PSG ee Neymar ayaa sugi la’a inta laga gaarayo kulanka kooxdiisu ay u safrayso Madrid arbacada dambe.
Labada kooxood ayaa ku balansan lugta hore ee wareega 16-ka koobka horyaalada yurub arbacada dambe markaas oo Real ay marti qaadi doonto PSG.
Neymar ayaa sheegay inuu aad ugu xiiso qabo in si dhaqsi ah lagu gaaro maalintaas, maadama uu doonayo in kooxdiisu ay wacdaro ku dhigto Madrid.
“Inbadan ayaan u xiiso qabaa inaan ka hortago Real Madrid” ayuu yiri Neymar mar la waydiiyay kulanka Champions League.
“Dhamaanteen diyaar ayaan u nahay inaan ciyaarno kulamada nucaas ah, anigu aad ayaan u xiisaynayaa, waxaanan doonayaa in maalintaasi ay imaato” ayuu sii raaciyay.
Hadalka Neymar ayaa imaanaya xili laacibka reer Brazil lala xiriirinayo inuu badal u noqon doono Cristiano Ronaldo.
Gool FM