(Paris) 06 Feb 2018 Tababaraha kooxda PSG ee Unia Emery ayaa go’aansaday inuu ka saaro Neymar liiska ciyaartoyda PSG ee wajahaya caawa kooxda Sochaux koobka France.
Saxaafada Faransiiska ayaa maanta daabacay in Neymar uu ku fashilmay inuu taam u noqdo kulanka caawa kadib markii uu si aan caadi ahayn ugu dabaal dagay dhalashadiisa habeen hore.
Unai Emery ayaa soo bandhigay 18-ka laacib ee kooxdiisu ay u soo xulatay kulanka caawa ee Sochaux, waxaana laga dhex waayay Neymar.
Neymar ayaa shalay 26 jirsaday, wuxuuna dhigtay xaflad wayn oo ay ka soo qayb galeen intabadan ciyaartoyda PSG oo uu ugu horeeyo Cavani.
Kooxda ayaana go’aansatay in Neymar aan la ciyaarsiin kulanka caawa, si uu fursad ugu helo inuu qaab ciyaareed fiican soo bandhigo kulamada Toulouse oo sabtiga ay la ciyaarayaan iyo Real madrid oo arbacada ay la ciyaarayaan.
Gool FM