(Liverpool) 09 Feb 2018 Arsenal ayaa kali ku noqotay tartanka saxiixa laacibka garabka weerarka uga ciyaara Monaco ee Thomas Lemar.
Gunners ayaa loolan ku aadan saxiixa Thomas Lemar kala kulmaysay kooxda tababare Jurgen Klopp ee Liverpool oo isku dayday saxiixiisa suuqii xaggaaga iyo kii u danbeeyay ee Janaayo.
Sida ay baahisay LiverpoolEcho, Kooxda Liverpool ayaa ka saartay Thomas Lemar liiska ciyaartoyda bartilmaameedka u ah dhamaadka xiliciyaareed kaan.
Jurgen Klopp ayaa u arka qiimaha Monaco ay ku doonayso Thomas Lemar mid aad u badan, wuxuuna rumaysanyahay in suuqa laga heli karo ciyaartoy ku haboon qaab ciyaareedka Liverpool isla markaana lagu heli karo qiimo jaban.
Kooxda ayaa markii hore u aragtay Lemar badalka ku haboon ee Coutinho, balse haatan Liverpool ayaa isaga hartay gabi ahaanba tartankii ay ugu jirtay saxiixa 22 jirka reer France.
Gool FM