(Manchester) 09 Feb 2018 Tababaraha Manchester United ee Jose Mourinho ayeey ka go’antahay inuu soo xerogaliyo laacibka kooxda Monaco.
Fabinho ayaa horay u sheegay inuu u diyaar garoobayo ka tagista kooxdiisa maadama ay tirsanyihiin maalmaha uga haray la sii joogida kooxdiisa, taas oo ka dhigan inuu ka tagayo dhamaadka xiliciyaareed kaan.
Mirror ayaa daaha ka qaaday in Manchester United ay hogaanka u hayso tartanka saxiixa 24 jirka reer Brazil ee Fabinho suuqa xaggaaga.
Tababare Mourinho ayeey ka go’antahay dhamaystirka saxiixa Fabinho si uu u adkeeyo qadkiisa dhexe isla markaana uu uga garab ciyaarsiiyo Matic, taas oo xoriyad siinaysa Paul Pogba marka la ciyaarayo shaxda 4-3-3.
Sidoo kale Fabinho ayaa ka ciyaari kara daafac gaar ahaan booska daafaca midig, waana sabab kale oo tababare Mourinho ku riixaysa inuu soo qaato laacibka kooxda Monaco.
Gool FM