(Europe) 09 Feb 2018. PSG ayaa dagaal ku soo qaaday kooxda Chelsea oo awalba liic liiceysay kal ciyaareedkan.
Kooxda reer France ayaa la warinayaa inay bartilmaameedkeeda koowaad ka dhigatay xiddiga sida mashiinka uga shaqeeya qadka dhexe ee N’Golo Kante.
Warar ka imaanaya Faransiiska ayaa tibaaxaya in camaaliqada Faransiiska ay doonayaan inay dalka dib ugu soo celiyaan wiilka reer France.
Kante ayaa noqday laacibkii ugu horreeyay oo labo sano oo is xigta Premier League kula guuleysta labo koox oo kala duwan kaddib markii uu la qaaday Leicester City iyo Chelsea.
Le 10 Sport ayaa warinaya in PSG ay lacago badan ku khasireyso sidii ay 26-jirka uga soo kaxeyn lahayd kooxda reer England.
Naadiga xafidanaya Horyaalka Ligue 1 ayaa u arka Kante badelka ku haboon booska Thiago Motta kaa oo 36-jirsan doona dabayaaqada sanadkan.
Gool FM.