(Paris) 20 Feb 2018 Waraysi ay bixisay gabadha uu saaxiibka la yahay laacibka ugu qaalisan adduunka ayaa lagala dhex baxay in laacibku uu doonayo inuu dib ugu laabto Spain.
Aktarada reer Brazil ee Bruna Marquezine ayaa sheegtay in saaxiibkeed uu doonayo inuu kor u qaado barashadiisa luuqada Spanish-ka.
Don Balon ayaa daaha ka qaaday in waraysiga Bruna Marquezine uu la micno yahay in xiddiga reer Brazil uu qorshaynayo inuu dib ugu laabto Spain gaar ahaan kooxda Real Madrid.
“Neymar wuxuu doonayaa inuu barto dhaqamo cusub, wuxuu jecelyahay ciyaarta Yoga iyo rajo samaynta, sidoo kale wuxuu doonayaa inuu hagaajiyo oo uu hormariyo luuqadiisa Spanish-ka” ayeey tiri Bruna Marquezine.
Real Madrid ayaa la sheegay inay heshiis la gaartay Neymar kaas oo ah in xiddiga reer Brazil uu soo cago dhigto Bernabeu xaggaaga 2019.
Gool FM