(Paris) 22 Feb 2018 Kabtanka kooxda PSG ee Thiago Silva ayaa beeniyay warar la faafiyay oo ah in ciyaartoyda kooxdu ay isku dhacsanyihiin.
Sidoo kale waxaa soo baxay warar sheegaya in Thiago Silva uu la dagaalay tababare Unai Emery kadib markii uu keydka fariisiyay kulankii Real Madrid.
Balse Thiago Silva ayaa beeniyay dhamaan wararkaas, wuxuuna xaqiijiyay inuu aqbalay go’aankii tababaruhu uu ku fariisiyay keydka kulankii Champions League.
“Waan maqlay wararka sheegaya in fowdo badan ay ka jirto qolka labiska ee PSG, laakiin warkaas waa been, waana wax ka soo horjeeda waxa dhabta ah ee ka jira qolka labiska ee kooxda” ayuu yiri Thiago Silva.
“Jawiga qolka labiska ee kooxda waa mid aad u qurxoon, warar laga keenay banaanka saamayn naguma yeelanayo haddiiba aan dhexdiina is ixtiraamayno”.
Gool FM