(Paris) 26 Feb 2018 Kylian Mbappe ayaa xalay si wayn uga carooday tababarihiisa Unai Emery kadib guushii kooxdiisu ay ka gaartay Marseille oo 3-0 ay uga adkaatay.
Mbappe ayaa ahaa dhaliyihii goolkii hore ee kooxda PSG, balse tababare Unai Emery ayaa garoonka ka saaray daqiiqadii 61-aad, markaas oo lagu soo badalay Angel Di Maria.
AS ayaa baahisay in Kylian Mbappe uu si wayn uga carooday badalkii loo taagay maadama uu si wayn u ciyaarayay kulankii xalay.
19 jirkaan ayaa wajigiisa laga dareemayay xanaaqa ka muuqda markii uu ka sii baxayay garoonka, wuxuuna qayb ka yahay ciyaartoyda aan ku qanacsanayn sida uu wax u wado tababaraha reer Spain.
Kylian Mbappe ayaa u ciyaaray PSG 33-kulan xiliciyaareed kaan, wuxuuna dhaliyay 16-gool isaga oo caawiyay 14-kale.
Gool FM