(Paris) 26 Feb 2018 Inkasta oo Real Madrid ay 3-1 uga soo adkaatay PSG kulankii lugta hore, waxaa jira laacib ka tirsan kooxda reer France oo ku kalsoon inay ka aarsan doonaan Real.
Daafaca PSG ee Thomas Meunier ayaa sheegay inuu kalsooni buuxda ku qabo in kooxdiisu ay guul ka gaari doonto Real Madrid kulanka lugta labaad.
Kadib kulankii Real Madrid, PSG ayaa ku ciyaartay garoonkeeda laba kulan, waxayna dhalisay 8-gool, waxaana laga dhaliyay kaliya 2-gool, taas oo ku tusinaysa awooda kooxda reer France ay ku leedahay garoonkeeda.
“Waa in aanaan hilmaamin inuu nasugayo kulan aan la ciyaarayno Real Madrid oo ah koox 3-jeer ku guulaysatay Champions League 4-tii sano ee u danbaysay” ayuu yiri Thomas Meunier.
“Laakiin waxaan rumaysanahay awoodeena, wax walba oo karaankeena ah ayaan soo bandhigaynaa, waan hubaa inaan guul ka gaari doono Real Madrid”.
“Kadib ayaan arki doonaa inaan soo baxnay iyo inkale”.
Gool FM