(Paris) 26 Feb 2018 Weerar yahanka PSG ee Neymar ayaa ka nixiyay taageerayaasha kooxdiisa ka hor kulanka Real Madrid.
Xiddiga reer Brazil ayaa soo dhigay barihiisa bulshada sawir uu ka soo qaaday lugtiisa taas oo laga dareemayay cabsida dhaawicii soo gaaray.
AS ayaa daaha ka qaaday in Neymar xalay la geeyay isbitaalka saqdii dhexe, wuxuuna ku qaatay gudaha isbitaalka hal saac iyo 20-daqiiqo si loo hubiyo dhaawiciisa maadama lugtu ay aad u bararsanayd.
Waxaa la xaqiijiyay in laacibku uusan jabin, balse waxaa kala baxay anqowga, kala baxa ayaana keenaya xanuunka iyo bararka sida la sheegay.
Shaki ayaa laga muujinayaa taam ahaanshaha Neymar ee kulanka Real Madrid kadib markii la xaqiijiyay inuu seegayo labada kulan ee ka horaysa kulankaas.
Gool FM