(Europe) 26 Feb 2018. PSG ayaa qaadeysa talaabo Yaab leh si ay u farxad galiso xiddigeeda ugu qaalisan Kubbada cagta ee Neymar.
Warar ka imaanaya Spain ayaa tibaaxaya in kooxda reer France ay Kylian Mbappe u bandhigeyso Barcelona si ay uga badelato Philippe Coutinho oo saaxiib la ah Neymar.
26-jirka reer Brazil ayaa xagaagan uun Barca ugu soo biiray adduun dhan 145 milyan oo bound, waxaana loo arkaa mustaqbalka kooxda sidaa darteed ma eeganayaan inay iska iibiyaan.
Laakiin sidoo kale Coutinho waxaa loo arkaa sida ‘Walaalka’ Neymar sidaa darteed PSG ayaa aaminsan inay la soo saxiixato kubbad qaabeeyihii hore ee Liverpool ay ka caawineyso inay Faraxad galiso Neymar kaa oo si wayn lala xiriirinayo Real Madrid.
Waxaa intaa dheer inay isku dhacsan yihiin Neymar iyo da’yarka reer France ee Mbappe, waxayna is qabteen dhammaadka ciyaartii ay 1-0 uga adkaadeen Toulouse.
Da’yarka ugu qaalisan kubbada cagta adduunka ayaa ku qeyliyay Neymar kaddib markii uu kubbada u baasi waayay isagoo furan taa badelkeedana qalad lagu galay intii uu kubbada isku dhajinayay.
Agaasimayaasha PSG ayaa la warinayaa inay iminka ka fikirayaan sidii ay Mbappe ugu bandhigi lahaayeen Barcelona si ay uga soo badeshaan Coutinho.
Gool FM.