(Paris) 26 Feb 2018 Neymar ayaa xalay bareelo looga qaaday garoonka kulankii kooxdiisu ay 3-0 uga adkaatay Marseille oo marti u ahayd.
Spor TV ayaa ka hadlay baaritaankii la marsiiyay Neymar kadib dhaawicii xalay ka soo gaaray anqowga, laacibka ayaa ka badbaaday jab, waxaana la sheegay inuusan jabin.
Baaritaan hordhac ah oo lagu sameeyay dhaawaca laacibka, waxaa ka soo baxay inuu garoomada ka maqnaanayo 2-isbuuc, taas oo ka dhigan inuu seegi doono kulanka Real Madrid.
Sky Sports ayaa dhankeeda sheegtay in Neymar uu maqnaanayo muddo dhan 3-isbuuc, wuxuuna si rasmi ah u seegayaa kulanka lugta labaad ee Real Madrid.
Neymar ayaa ka maqnaanaya kulanka French Cup ee PSG ay marti qaadi doonto arbacada kooxda Marseille, sidoo kale wuxuu si rasmi ah u seegi doonaa kulanka sabtiga ay PSG u safri doonto kooxda Troyes.
PSG wali war rasmi ah kama soo saarin mudada uu maqnaanayo Neymar, balse marka baaritaanka la dhameeyo ayaa la filayaa in kooxdu ay soo saari doonto war rasmi ah.
Gool FM