(Paris) 01 Maarso 2018 Walwal badan ayaa u soo hoyday kooxda PSG kadib markii xalay la badalay Kylian Mbappe oo uu soo gaaray dhaawac.
Tababare Unai Emery ayaa ku qasbanaaday inuu badal ku sameeyo Kylian Mbappe waqtigii nasashada kadib dhaawac ka soo gaaray lugta midig.
Javier Pastore ayaana lagu badalay 19-ja reer France, PSG ayaana xalay 3-0 uga adkaatay Marseille koobka French Cup.
PSG ayaa haatan si wayn uga walwal san dhaawacaan cusub ee soo gaaray Kylian Mbappe xili Neymar la filayo inuu qaliin maro dhamaadka isbuucaan.
Kooxda reer France ayaa talaadada soo socota garoonkeeda kula balansan Real Madrid oo 3-1 uga soo adkaatay kulankii lugta hore.
Gool FM