(Paris) 02 Maarso 2018 Dani Alves ayaa u muuqda mid u sii diyaar garoobaya maaraynta noloshiisa kadib ciyaaraha oo haatan uu ku sii dhawaanayo inuu ka fariisto.
Wargayska dalka Brazil ee UOL Esporte ayaa baahiyay in Dani Alves iyo weerar yahanka kooxda Cruzeiro ee Fred ay qorshaynayaan inay iibsadaan koox ka ciyaarta horyaalka heerka labaad ee dalka Portugal.
Wakiilka Fred ee Francis Melo ayaa haatan ku sugan dalka Portugal si uu u dhameeyo heshiiska labada laacib ay kula wareegayaan kooxaha Famalicao iyo Leixoes midood.
Qorshaha Dani Alves iyo Fred ayaa ah sidii ay u hormarin lahaayeen kooxahaas maadama aysan awoodin inay iibsadaan kooxo waa wayn.
Sidoo kale, waxay doonayaan inay la soo saxiixdaan ciyaartoyda da’yarta ah ee Latin America si ay ugu hormariyaan kooxdooda isla markaana ay lacago badan uga sii iibiyaan kooxaha ugu waa wayn qaarada yurub.
Gool FM