(Paris) 05 Maarso 2018 Xiddiga reer Brazil ayaa dhaawac uga maqan kulanka lugta labaad ee kooxdiisu ay marti qaadi doonto habeen dambe Real Madrid.
Kooxda reer Spain ayaa 3-1 uga soo adkaatay PSG kulankii lugta hore balse kooxda reer France ayaa u baahan habeen dambe ugu yaraan inay ku adkaato 2-0 si ay uga soo baxdo Real Madrid.
Agaasimaha ciyaaraha kooxda PSG ee Antero Henrique ayaa xaqiijiyay in Neymar uu ka caawinayo kooxdiisa sidii ay u adkaan lahayd kulanka lugta labaad isaga oo dhaawac qaba.
Wuxuu sheegay in Neymar uu marwalba ciyaartoyda kooxda u soo diro fariin uu kor ugu qaadayo niyadooda, wuxuuna ku dhiirogaliyay in isaga dartiis ay uga adkaadaan Real si ay uwada farxaan dhamaantood.
“Waa ay iska cadahay in maqnaashihiisu uusan wanaagsanayn, waa laacibka ugu fiican adduunka, si cajiib ah ayuuna noo caawin doonaa waliba isaga oo banaanka jooga” ayuu yiri Antero Henrique.
“Ruuxdiisa, xiriirka uu la leeyahay ciyaartoyda, hogaamiyayaasha dhanka tababarka, taageerayaasha iyo jawiga guud ee kooxda ayuu nagu caawin karaa waliba isaga oo maqan, wuxuu marwalba soo diraa fariimo uu kooxda ku dhiirogalinayo”.
Gool FM