(Paris) 07 Maarso 2018 Daafaca PSG ee Dani Alves ayaa qorshaynaya inuu ka ciyaaro Premier League mustaqbalka, inkasta oo uu iska diiday fursadaas suuqii xaggaaga.
Dani Alves ayaa xaggaagii hore ka tagay Juventus, wuxuuna dalab ka helay PSG iyo Manchester City, balse laacibka ayaa doortay kooxda reer France.
Wuxuu sheegay inuu ku faraxsanyahay go’aankii uu isaga diiday ku biirida Manchester City, laakiin wuxuu sheegay in qorshihiisa mustaqbalka uu ku jiro ka ciyaarida horyaalka ingiriiska.
Alves oo waraysi gaar ah siiyay Majalada 4-4-2 ayaa yiri:
“Loolan cusub? Wali hamigaas waa igu jiraa laakiin ma hubo in taasi ay dhacayso waayo waxaa ii dhiman waxyaabo badan si aan u caawiyo PSG, waa inaan guusha joogteeyaa xitaa haddii aan ciyaarayo ilaa 40-jirkeyga”.
“Waxaan rajaynayaa inaan ku guda jiro kubadda cagta ilaa aan ka gaarayo 50 jir, nasiib wanaag go’aan sax ah ayuu ahaa inaan iska diido Man City oo aan doorto PSG”.
“Laakiin ma qarinayo sida aan ula dhacsanahay tababare Pep Guardiola, rabitaankeyguna waa inaan mustaqbalka ka ciyaaro horyaalka ingiriiska”.
Gool FM