(Paris) 28 Maarso 2018 Kooxda reer France ayaa isku diyaarinaysa qorshe ay laacib muhiim ah uga qaadanayso kooxda Juventus dhamaadka xiliciyaareed kaan.
PSG ayaa mushaar qaali ah u soo bandhigtay kubadda abuuraha reer Bosnia ee Miralem Pjanic sida ay baahisay Corriere della Sera.
Kooxda reer France ayaa u soo bandhigtay Miralem Pjanic heshiis 5-sano ah oo sanadkii uu ku qaadanayo 8 milyan oo euro oo ah lacag ku dhaw laban laabka mushaarka uu haatan ka qaato Juventus oo ah 4.5 milyan.
Calcio Mercato ayaa dhankeeda daaha ka qaaday in Juventus ay diyaar u tahay inay iska iibiso Miralem Pjanic oo 27 jir ah haddii PSG ay bixinayso laba jibaarka lacagtii ay uga soo qaadatay Roma.
Juventus ayaa ku soo qaadatay Miralem Pjanic lacag dhan 32 milyan oo euro.
Gool FM