(Paris) 29 Maarso 2018 Xiddiga reer France ee Hatem Ben Arfa ayaa si rasmi ah ugu dhawaaqay inuu isaga tagayo kooxda PSG oo uu ku biiray xaggaagii 2016.
Hatem Ben Arfa ayaa loo dhaadhiciyay kooxda da’yarta ee PSG kadib markii uu buuq ka dex abuuray kooxda, laacibka ayaana bilaabay inuu u dacwoodo xiriirka kubadda cagta dalka France.
Qandaraaska 31 jirkaan ayaa dhacaya dhamaadka xiliciyaareed kaan, wuxuuna xaqiijiyay inuu macsalaamaynayo PSG.
“Goor dhaw waxaa soo idlaan doona waqtigaygii PSG, inkasta oo aan ku jiro waqti xun hadana waan ku faraxsanahay inaan xirto funaanadaan” ayuu ku soo qoray bartiisa Instagram-ka.
“Waan haysanayaa xusuusta asxaabtayda kooxda, fariintaan ayaan ugu mahadcelinayaa dhamaan ciyaartoydii i garab istaagay, waligeey waan jeclaan doonaa kooxdaan” ayuu sii raaciyay.
Gool FM