(France ) 18 April 2018. Casemiro ayaa kamid ah ciyaartooyda ugu muhiinsan kooxda Real Madrid, kadib bandhiyadii uu sameyay sanadihii lasoo dhaafay waxeeyna taas keentay damac badan oo galay kooxaha ugu waa weyn horyaalada qaarada yurub.
Kooxda Manchester united ayaa ah mid bilihii lasoo dhaafay dooneysay laacibkan balse hadda waxaa kula soo biirtay xiisihiisa kooxda horyaalka France ee Paris Saint-Germain.
Waxeey u muuqaneysa in naadiga PSG ay laacibka reer Brzail badal uga dhigi doonto mid kamida ciyaartoydeeda qadka dhexe sida Thiago Motta, Giovani Lo Celso ama Marco Verratti.
Waxaa intaas sii dheer , in agaasimaha ciyaaraha ee kooxda Paris ninka lagu magacaabo Antero Henrique uu taagero u yahay Casamero kaa oo ay hore u wada shaqeygeen markii uu amaaha dheer ku joogay kooxda Fc Porto xili ciyaareedkii 2014/15.
Wuxuu sido kale Henrique ahaa qofkii maamulka ka ahaa kala wareegii laacib uu dib ugu laabtay kooxda Madrid isagoo ku leh wax qabadkiisa 7.5m oo euro.
Xiisaha kooxda PSG ayaa imaanaya xili uu Casemiro sugayo inuu kordhiyo hehiiska kooxda Real Madrid oo ku eg 2021 kaasoo saxiixay sanadkii 2015.
Dhanka kale heshiiska PSG ay ku dooneyso Casemiro ayaa Real u sahli kara qaadashada Naymar wallow taas ay tahay mid aad u adag.
Gool FM.