(Paris) 19 Abriil 2018 Kylian Mbappe ayaa xalay Final-ka French Cup u soo saaray sanadkii 4-aad oo xiriir ah kooxdiisa PSG kadib markii uu dhaliyay labo gool.
PSG ayaa xalay 1-3 uga adkaatay kooxda Caen, sidaas ayeeyn ku gaartay Final-ka Frech Cup, kulanka ayaa ahaa mid uu isku muujiyay Mbappe.
Weerar yahanka reer France ayaa gaaray goolkiisii 51-aad ee xirfadiisa waliba isaga oo ah 19-jir, 27 gool wuxuu u dhaliyay Monaco, 22-gool wuxuu u dhaliyay PSG halka 2-gool uu u dhaliyay xulkiisa France.
Mbappe ayaa noqday laacibkii labaad taariikhda ee goolal intaas la eg dhaliya isaga oo da’yar ah, wuxuuna ka sareeyaa Messi, Ronaldo iyo Thierry Henry.
Neymar ayaa ah laacibkii ugu da’da yaraa ee dhaliya 50-gool isaga oo jiray waqtigaas 18-sano iyo 254-maalin.
Mbappe ayaa ku jira booska labaad, wuxuuna gaaray 50- gool xirfadiisa isaga oo jira 19-sano iyo 119-maalin.
Messi ayaa ku jira booska 3-aad, wuxuuna gaaray 50 gool isaga oo jiray waqtigaas 20-sano iyo 315-maalin.
Ronaldo ayaa ku soo xigay, wuxuuna gaaray 50-gool isaga oo jiray waqtigaas 21-sano iyo 272-maalin.
Thierry Henry ayaa ku jira booska 5-aad, wuxuuna gaaray 50-gool isaga oo jira 22-sano iyo 215-maalin.
Gool FM