(PSG) 21 April 2018 Ronaldinho ayaa ka hadlay rajada laga qabi karo in xidiga PSG ee Neymar uu kala soo muuqdo xulka qaranka Brazil koobka aduunka ee dhawaan ka dhici doona dalka Russia.
Neymar ayaa xiiso balaaran ka muujinaya in uu xulkiisa Brazil kula guuleysto koobka aduunka 2018 maadaama uu xiiseenayo ku guuleysiga abaal marinta shaqsiyadeed ee Ballon d’Or.
Laakiin xidiga xulka qaranka Brazil ayaa ilaa iyo haatan ku maqan dalkiisa hooyo ee Brazil, tan iyo markii uu qaliinka ku maray halkaas si uu kaga soo kabto dhaawacii kasoo gaaray kulankii ay wada ciyaareen kooxaha PSG iyo Marseille.
Hadaba xidigii hore kooxda Barcelona Ronaldinho ayaa laabta u qaboojiyay jamaahiirta reer Brazil kadib markii uu sheegay inay jirto rajo weyn ee laga qabi karo in Neymar uu ciyaari karo koobka aduunka, wuxuuna hadalkiisan imaanayaa kadib shir jaraa’id uu kaga soo muuqday magaalada Geneva ee dalka Switzerland.
“Waxaan sugeynaa Neymar, waxaana rajeyneynaa inuu si dhakhso ah u soo kabto, waxaan qabaa inuu ka shaqeyn doono si uu uga caawiyo Brazil inay ku guuleysato Koobka Adduunka”.
Gool FM.