( France ) 17 Maajo 2018. Laacibka France Dimitri Payet rajadiisa cayaarista koobka adduunka ayaa mugdi soo galay markii uu dhaawac kaga baxay habeenkii arbaca finaalka Europe league oo ay kooxdiisa Olympique de Marseille guuldaro 3-0 kala kulantay Atletico Madrid.
Payet wuxuu ahaa taam ka hor kulanka finaalka ee Atletico Madrid kadib markii uu seegay cayaartii ay jimacaha 3-3 la galeen kooxda Guingamp, isagoona diyaar u ahaa inuu cayaaro kulanka ka dhacayay Lyon.
Balse ooyin ayuu kaga baxay garoonka daqiiqadii 32-aad markaa oo lagu badalay Maxime Lopez.
Cayaariyahankii hore ee kooxda West Ham United ayaa kamida furayaasha xulka France isagoona ku hogaamiyay finalkii koobka Euro 2016, inkastoo uusan qaranka u cayaarin ilaa kulankii ay 2-1 kaga adkaadeen Belarus 10 October.
30 jirkaan ayaa waxqabad sareya muujiyay kal cayaaredkan markii uu kooxdiisa gaarsiiyay finaalka Europe League wuxuuna qeyb ka yahay xiddigaha uu ku tashanaayo macalinka Didier Deschamps dhacada ka furmi doonta bisha dambe dalka Russia.
Deschamps ayaa la filayaa inuu maanta ku dhawaaqo Safka koobka Adduunka u matalaya xulka France.
Gool FM.