(Paris) 18 Maajo 2018 Kooxda reer France ee PSG ayaa ku dhaw dhamaystirka saxiixa goolhayaha ka tagaya Juventus ee Gianluigi Buffon.
Halyeeyga reer talyaani ayaa ku dhawaaqay shalay inuu ka tagayo kooxdiisa Juventus wixii ka danbeeya barri oo sabti ah markaas oo uu u ciyaarayo kulankiisa ugu danbeeya ee xiliciyaareed kaan.
Football Italia ayaa baahisay in PSG ay u soo bandhigtay Gianluigi Buffon heshiis 2-sano ah si uu ugu soo dhaqaaqo dhankooda.
Gianluigi Buffon ayaa aad ula dhacsan dalabka uga yimid kooxda PSG, Inkasta oo ay jiraan kooxo ay kamid yihiin Atletico Madrid iyo Liverpool oo dhankooda diyaar u la ah dalab wayn.
PSG ayaa doonaysa inay ka faa’idaysato khibrada Gianluigi Buffon ee koobka horyaalada yurub inkasta oo uusan waligiis ku guulaysan koobkaas.
Gool FM