(Paris) 20 Maajo 2018 Milkiilaha kooxda PSG ee Nasser Al-Khelaifi ayaa u sheegay xiddiga reer Brazil ee Neymar inuu iska bixi karo suuqa xaggaagan.
Nasser Al-Khelaifi ayaa sheegay inuusan jirin shaqsi ka wayn PSG sidaas darteed wuxuu cadeeyay inuu bixi karo qof walba oo aan ku faraxsanayn kooxda.
Warka milkiilaha ayaa u muuqda mid ku wajahan Neymar kaas oo aan doonayn inuu sii joogo PSG maadaama uu dalab ka helayo Real Madrid.
“Ma jiro shaqsi ka wayn kooxda, haddii ay ahaan lahayd tababaraha ama ciyaartoyda” ayuu yiri Nasser Al-Khelaifi.
“Kooxda ayaa marwalba ah lambar koow, iyada ayaana ka wayn dhamaan inta joogta, haddii uu jiro shaqsi aan aqbali karin taas oo aan ku faraxsanayn waa inuu iska tagaa”.
“Qof walba waa inuu wixii karaankiisa ah u huraa PSG, tan iyo markii aan la wareegnay maamulka kooxda waxay qaaday 19-koob, taasina waa cajiib”.
Gool FM