(Torino) 21 Maajo 2018 Goolhaye Gianluigi Buffon ayaa sabtigii macsalaameeyay kooxdiisa Juventus oo uu ku dhawaaqay inuu ka tagayo.
Di Marzio oo ah wariyaha ugu xogta fiican talyaaniga ayaa daaha ka qaaday in Gianluigi Buffon uu qarka u saaran yahay ku biirida PSG.
Wuxuu intaa ku daray in Gianluigi Buffon uu la gaaray PSG inuu u saxiixo heshiis labo sano ah, waxaana la qorsheeyay in saxiixiisa lagu dhawaaqo maalmaha soo socda.
Warkaan ayaa imaanaya xili milkiilaha PSG ee Nasser Al-Khelaifi uu shalay sheegay in koox walbo ay jeceshahay saxiixa Gianluigi Buffon maadaama uu yahay goolhaye wayn.
Warar kale oo la helayo ayaa sheegaya in heshiiska ay qayb ka tahay inuu safiir uga noqdo PSG koobka adduunka ee lagu qabanyo Qatar 2022.
Gool FM