(Paris) 21 Maajo 2018 Hooyada dhashay laacibka reer Brazil ee Neymar ayaa ugu danbayn afka furatay, waxayna ka hadashay mustaqbalka wiilkeeda.
Marka la isku soo duubo nuxurka waraysigii ay bixisay ayaa isugu imaanayay rabitaanka wiilkeeda ee ah u ciyaarida kooxda Real Madrid kadib markii ciyaartoyda Real ay u sheegeen inay sugayaan imaanshihiisa kulankii lugta hore ee wareega 16-ka Champions League.
Waxay sheegtay inaysan sifiican ula dhicin eedeynta taageerayaasha PSG ay u jeedinayaan wiilkeeda kaas oo ka soo tagay koox wayn si uu u caawiyo iyaga.
Nadine Santos ayaa cadaysay inay la yaabtay sababtii milkiilaha PSG ee Nasser Al-Khelaifi uu u difaaci waayay wiilkeeda markii la eedeynayay.
“Wiilkeygu wuxuu ka soo tagay koox wayn si uu u galo safar qatar badan oo quseeya xirfadiisa markaas oo uu ku biiray PSG” ayeey tiri Nadine Santos.
“Waan ogahay in PSG ay tahay koox leh hami wayn si ay u la tartanto kooxaha ugu wayn yurub, sidaas darteed ma garanayo sababta taageerayaasheedu ay u eedeynayaan wiilkeyga”.
“Kuma faraxsani mowqifkii uu ka istaagay Al-Khelaifi eedeynta wiilkeyga iyo waliba difaacid la’aantiisii, waana wax aan fahmi la’ahay”.
“Wuxuu u yimid halkaan si uu u caawiyo hamiga fog ee PSG, ciyaartoyda Real Madrid si fiican ayeey u soo dhaweeyeen, waxayna u sheegeen inay ku sugayaan Madrid”.
Gool FM