(Paris) 22 Maajo 2018 Weerar yahanka kooxda PSG ee Edinson Cavani ayaa go’aamiyay mustaqbalkiisa kooxda reer France.
Xiddigaan ayaa si wayn loola xiriiriyay inuu ka tagayo PSG suuqa xaggaagan kadib isku dhicii isaga iyo Neymar ee xiliciyaareedkii dhamaaday.
Laakiin Edinson Cavani ayaa beeniyay wararkaas, wuxuuna xaqiijiyay inuu diyaar u yahay inuu sii joogo kooxdiisa PSG.
“Rabitaankeyga ku aadan inaan sii joogo ayaa keenay inaan heshiis cusub u saxiixo kooxda” ayuu yiri Edinson Cavani.
“5-sano ayaan la joogaa kooxda, waa wax dabiici ah in qofku uu jeclaado waxa fiican marwalba, waxaan jeclahay inaan qaab fiican ku arko kooxda”.
Gool FM