(Madrid) 30 Maajo 2018 Laacibkii hore ee Real Madrid ee Angel Di Maria ayaa qorshaynaya inuu khiyaanadaan u maleego kooxdiisii hore.
Angel Di Maria ayaa u muuqda mid ka tagaya suuqa xaggaagan kooxdiisa PSG kadib markii uu ka waayay boos joogto ah.
30 jirka reer Argentina ayaa xiriir la sameeyay tababaraha Atletico Madrid ee Diego Simeone si uu uga caawiyo inuu u soo dhaqaaqo caasimada Spain.
Di Maria ayaa doonaya inuu ku biiro cadawga Real Madrid ee Atletico Madrid taas oo ah khiyaano uu la damacsan yahay kooxdiisii hore.
Xiddigaan ayaa horay isugu dayay inuu sifiican wadnaha u jaro taageerayaasha Real Madrid xaggaagii hore markaas oo uu qarka u fuulay ku biirida Barcelona.
Qandaraaska Angel Di Maria ee PSG waxaa uga harsan kaliya hal sano, kooxda ayaana ku qasban inay iska iibiso suuqa xaggaagan.
Gool FM