(Europe) 11 Juunyo 2018. Rugcadaagii Arsenal iyo xulka Faransiiska Patrick Vieira ayaa ka soo tagay xilka tababaranimo ee naadiga New York City si uu u qabto xilka naadiga Nice.
Vieira ayaa ku soo jeeda naadiga reer France isagoona badeli doona Lucien Favre, oo isna qaban doona Borussia Dortmund.
41-jirka ayaa hayay xilka tababaranimo ee kooxda ka ciyaarta MLS isla markaana mataanka la ah Manchester City tan iyo 2016 markii uu ciyaaraha ka fariistay.
Caawiyaha Christian Lattanzio, Tababaraha Bandhiga Kristian Wilson iyo midka Jirdhiska Matt Cook ayaa Patrick Vieira kula biiri doona naadiga Nice.
Kooxda reer France ayaa kal ciyaareedkii tagay horyaalka Ligue 1 ku dhammeystay kaalinta sideedaad.
Gool FM.