(PSG) 11 Juunyo 2018. Shabakada CalcioMercato ayaa waxay shaaca ka qaaday waqtiga ay kooxda Paris St Germain ku dhawaaqi doonto saxiixa goolhaayihii hore kooxda Juventus ee Gianluigi Buffon.
40 jirkan ayaa ka tagay Juventus ka dib dhamaadkii xilli ciyaareedkii lasoo dhaafay kadib markii uu 17 sanno ku soo qaatay Torino tan iyo markii uu kaga soo wareegay kooxda Parma xagaagii 2001.
Gianluigi Buffon ayaa kasoo muuqday kooxda Juventus xili ciyaareedkii lasoo dhaafay 21 kulan ee ah horyaalka Serie A ee dalka Talyaaniga iyo 9 kulan ee ah tartanka Champions League.
Wargeyska “Calcio Merkato” ee dalka talyaaniga ayaa wuxuu shaaca ka qaaday in kooxda Paris St Germain ay si rasmi ah ugu dhawaaqi doono saxiixa Gianluigi Buffon midkood maalmaha Talaadada ama Arbacada ee isbuuca soo aadan.
Buffon ayaa wuxuu qalinka ku duugi doonaa heshiis laba sano uu ku joogi doono kooxda PSG, kaasoo uu ku qaadan doono sanadii mushaar ahaan aduun dhan 7 million euros.
Sidoo kale goolhaayaha reer talyaani ayaa heysta balan qaad ku aadan inuu safiir ka noqon doono koobka aduunka lagu qaban doono dalka Qatar sanada 2022-ka.
Gool FM.