( Manchester ) 18 juunyo 2018. Cristiano Ronaldo ayaa si lama filaan ah ugu soo laaban kara kooxda Manchester United marka uu idlaado koobka adduunka.
Kadib markii uu ku bilaawaday caaq caajibo leh kulankiisa koowaad ee caayarah ka socda Russia Ronaldo wuxuu seddaxley ka dhaliyay Spain, taa oo sii kordhisay sheekooyinka xanta suuqa.
Wargeyska talyaaniga ee Libero ayaa warinaya in weeraryahanka laga yaabo inuu dib ugu laabto Old Trafford kadib cayaaraha adduunka.
Laakiin kooxda heysataa horyaalka France ee Paris Saint-Germain ayaa sido kale ku jirta raacdada xiddigaan – inkastoo xeerka dhaqaala wanaaga laga eegi doono dalabka.
SunSport waxay sheegeysaa in Ronaldo uu go’aansaday inuu isaga tago kooxda caasimada Spain.
Faalooyin ayuu markiiba sameyay kadib guushii ay Real Madrid ku hanatay tartanka Champions League markii seddexaad oo xarriira ah wuxuuna daaha ka horay in la gaaray xili uu faarujin lahaa Bernabeu .
Mushaarka uu hadda ka qaato kooxda waa £350,000- asbuucii, laakiin waxa uu doonayaa in lala barbardhigo dhanka mushaar laacibiinta Neymar todobaadkii qaata £619,000, halka Lionel Messi uu isana jeebka ku rito £673,000 todobadii maalinba.
Xiddiga Portuguese ayaa la warinyaa inuu codsaday mushaar waali ah uu asbuucii ku qaadanayo £1.35m, kaaso aysan Real Madrid aqbalin.
Gool FM.