(Moscow) 27 Juunyo 2018 Lionel Messi ayaa xalay u soo saaray xulkiisa Argentina wareega 16-ka ee koobka adduunka kadib guul ay ka gaareen Nigeria.
Xulka Argentina ayaa sabtiga la ciyaaraya xulka qaranka France, kulankaas ayaana ah ilaa haatan kulanka ugu adag wareega 16-ka.
Messi oo ka hadlay kulankaas ayaa yiri:
“Waan ogahay inuu yahay kulan aad u adag, waan daawaday dhamaan kulamadii uu ciyaaray xulka France, waxay haystaan ciyaartoy cajiib ah”.
“Waxay haystaan daafac fiican, qad dhexe iyo waliba weerar wanaagsan, waxay u badan yihiin ciyaartoy orod badan oo farqi samayn kara, waxaa jooga halkaas asxaabtayda Barcelona ee Umtiti iyo Dembele”.
Gool FM