(Paris) 07 Maajo 2016. ZLATAN IBRAHIMOVIC isaga ayaa isku koobay sirta ku saabsan halka uu ku fool leeyahay xagaaga marka uu ka dhaqaaqo Paris Saint – Germain, sidaas waxaa qaba Marco Verratti.
Xiddiga Swedishka ah waxaa la filayaa in uu ka huleelo Parc des Princes marka uu xagaaga dhamaado qandaraaskiisa, kooxaha Premier league ayaa doonaya.
Ibrahimovic waxa uu ku guuleystay koobab badan waxa uuna rabaa loolan cusub kaddib markii uu waqtiyo ku soo qaatay Holland, Italy, Spain iyo France.
England ayaa xiiso galineysa weeraryahanka, balse waxaa isku haysta dhinacyada Manchester Uniyed, Arsenal iyo Chelsea.
Ibrahimovic waxa uu doonayaa in uu loolan u galo Champions League xilli ciyaareedkan dambe kaddib markii uu qalbi jab kala kulmay Manchester City wareegii sideed dhamaadka, Chelsea ma aha jiho macquul ah.
Jose Mourinho ayaa la wareegi kara Zlatan oo ay ka soo wada shaqeeyeen Inter waa hadii uu badalo Louis Van Gaal oo u muuqda mid nagaadaya.
Hase yeshee, Ibrahimovic wuu diidan yahay in uu cadeeyo halka uu door bidayo halka dhiniciissii hore ee Milan ay iyana miisaamayaan la soo wareegidiisa.
“Xitaa saaxiibadiis arinkan mugdi ayaa uga jira, Verratti waxa uu daaha ka rogay: Mar waliba waxaan ku dhahaa joog, lakiin ma jawaabo.
“Isaga iyo kooxda ayaa arki doona, sida saaxiibadey oo dhan, waxaan rabaa in uu joogo maxaa yeelay olole qeyrul ayaa soo maray.
“Ma arko qof ka xoog badan. Isaga. Goor dhow go’aan ayuu qaadan doono.”
Gool FM.