(Paris) 13 Maajo 2016 Weerar yahanka kooxda PSG Zlatan Ibrahimovic ayaa si rasmi ah u shaaciyay inuu isaga tagi doono kooxda reer France dhamaadka xiliciyaareed kan.
Zlatan Ibrahimovic ayaa sheegay inuu barri ku ciyaari doono garoonka Parc des Princes kulankiisii ugu danbeeyay isaga oo intaa ku daray inuu yimid PSG isaga oo ah boqor wuxuuna sheegay inuu ka tagi doono isaga oo ah halyeey.
PSG ayaa barri marti qaadi doonta kooxda Nantes kulanka ugu danbeeya horyaalka faransiiska ee xiliciyaareed kan oo ay ku guulaysteen goor hore.
Zlatan Ibrahimovic ayaa ku soo qoray Boggiisa Twitter-ka:
“Waxaan ciyaari doona barri kulankaygii ugu danbeeyay ee Parc des Princes, waxaan imid aniga oo ah boqor, waxaan baxayaa aniga oo ah halyeey”.
Laacibka reer Sweden ayaanse wali shaacin kooxda uu ku biiri doono xiliciyaareedka soo socda.
My last game tomorrow at Parc des Princes. I came like a king, left like a legend pic.twitter.com/OpLL3wzKh0
— Zlatan Ibrahimović (@Ibra_official) May 13, 2016
Gool FM