(Paris) 13 Maajo 2016 Kooxda reer France ee PSG ayaa wadahadalo la furtay wafdiga la socda Antoine Griezmann kaas oo xulka Faransiiska u matali doona koobka qaramada qaarada yurub.
Bixitaanka Zlatan Ibrhamimovic iyo adkaanshaha saxiixa Ronaldo iyo Neymar ayaa ku qasbaya PSG inay u weecato qorshahooda C kaas oo ah soo xero galinta Antoine Griezmann sida ay shaacisay L’Equipe.
PSG iyo tababare Blanc ayaa la dhacsan saxiixa Antoine Griezmann maadama uu yahay da’yar mustaqbal fiican ku leh xulka Faransiiska.
Atletico Madrid ayaa doonaysa in la siiyo 70 milyan oo euro si ay u fasaxdo Antoine Griezmann, PSG ayaana diyaar u ah inay bixiso qiimahaas si ay u hesho 25 jirka reer France.
Gool FM