(Moscow) 13 Luulyo 2018 Axada ayaa la ciyaarayaa Final-ka koobka adduunka oo ay wada ciyaarayaan xulalka France iyo Croatia oo soo gaaray kama danbaysta koobka.
Sida ay xaqiijisay FIFA xulka ku guulaysta sanadkaan koobka adduunka wuxuu helayaa lacag dhan 38 milyan oo doolar, halka xulka gala booska labaad uu helayo lacag dhan 28 milyan oo doolar.
Xulka gala booska 3-aad ee koobka adduunka ayaa helaya lacag dhan 24 milyan oo doolar, halka xulka gala booska 4-aad uu helayo lacag dhan 22 milyan oo doolar.
Xul walba oo ciyaaray Quarter Final-ka koobka adduunka wuxuu helayaa 16 milyan oo doolar, halka xul walba oo ciyaaray wareega 16-ka uu helayo lacag dhan 12 milyan oo doolar.
Xul walba oo ciyaaray wareega guruubyada koobka adduunka ayaa helaya 8 milyan oo doolar.
Gool FM